Gígjan landssamband íslenskra kvennakóra var stofnað 5. apríl 2003. Markmið með stofnun sambandsins er
að efla starfsemi og samstarf kvennakóra. Einnig að efla samskipti við kvennakóra erlendis og safna og
 miðla upplýsingum um starfsemi og sögu íslenskra kvennakóra.

Kórar Íslands 2018

Stöð 2 og Sagafilm leita að kórum til að koma fram í annarri þáttaröð Kóra Íslands sem sýnd verður í beinni útsendingu á Stöð 2 í haust. Útsendingarnar fara fram í Reykjavík og 16 kórar munu syngja til sigurs um titilinn Kór Íslands. Ef kórinn þinn telur fleiri en 8 meðlimi og allir orðnir 16 ára er ekki eftir neinu að bíða. Kórarnir flytja lögin við undirleik að eigin vali sem miðast við eitt hljóðfæri eða án undirleiks (acapella).

Við leitum að kórum hvaðanæva af landinu og af öllum stærðum og gerðum. Þetta er frábært tækifæri fyrir kóra til að vekja á sér athygli og efla starfið og ferðasjóðinn!

Lesa meira

Í kórnum eru um 50 hressar konur. Í honum þrífst metnaðarfullt og skemmtilegt söngstarf og er stefnt að því að þannig verði það áfram.

Umsókn um starfið ásamt ferilskrá skal senda á netfangið kvennakorkopavogs@gmail.com, fyrir 20. maí 2018. Reynsla af kórstjórn er nauðsynleg.

Upplýsingar um kórinn er að finna á Facebook síðu kórsins ( https://www.facebook.com/Kvennakor-Kopavogs-187481172374/ ) en einnig má kalla eftir upplýsingum á ofangreindu netfangi og hjá formanni kórsins, Sigríði Tryggvadóttur, í síma 8467915.

Lesa meira

Kvennakór Akureyrar heldur vortónleika sína á mæðradag, 13. maí 2018 í Akureyrarkirkju kl 14:00.
Tónlistin er einstaklega ljúf og notaleg, með áherslu á sjöunda áratug síðustu aldar.
Kórinn býður tónleikagestum í veglegt kökuhlaðborð í safnaðarheimilinu að tónleikum loknum.

Miðaverð er kr. 4000,- en ókeypis er fyrir 15 ára og yngri. Enginn posi.

Stjórnandi er Sigrún Magna Þórsteinsdóttir. Helga Bryndís Magnúsdóttirleikur á píanó og Ave Sillaots leikur á harmonikku.

Lesa meira

Kvennakór Reykjavíkur á 25 ára afmæli í ár og mun fagna afmælinu með tvennum stórglæsilegum afmælistónleikum þann 5.maí nk og verða þeir fyrri kl 14 og þeir síðari kl 17.

Kórinn mun hrista rykið af lögum sem hafa fylgt honum í gegnum tíðina og einnig flytja lög sem hafa verið útsett fyrir kórinn í tilefni afmælisins. Sum lögin krefjast bæði þjálfunar hugar og handa og jafnvel fóta og öll eru þau vel valin og umfram allt skemmtileg. Í andyri Seljakirkju verður á sama tíma sýning á auglýsingaplakötum kórsins í gegnum tíðina en þau eru hönnuð af einstakri snilld af Andreu Haraldsson hönnuði og heiðursfélaga kórsins. 

Lesa meira