Landssamband íslenskra Kvennakóra

Kvennakór Garðabæjar hóf formlega starfsemi haustannar með æfingu mánudaginn 25. ágúst. Kórinn æfir öll mánudagskvöld kl. 19.30 – 22.30 en sú nýbreytni verður nú tekin upp að í stað síðdegisæfinga annan hvern miðvikudag verður æft eitt fimmtudagskvöld í mánuði. Eftirvænting og gleði var ríkjandi á þessari fyrstu æfingu haustsins. Kórstjóri og kórkonur, sem margar hverjar hafa verið í kórnum frá upphafi, glöddust yfir endurfundum og þá var því sömuleiðis tekið fagnandi að all nokkrir nýliðar hafa bæst í hópinn. Eru þessir nýju félagar boðnir innilega velkomnir í kórinn. Lesið frekar um spennandi starf Kvennakórs Garðabæjar í þessari frétt.Á sumrin eru haldnar grillveislur, farið í kaffihúsaferðir og fjallgöngur
Þótt hefðbundið kórstarf liggi niðri yfir sumarmánuðina gera kórfélagar þó ýmislegt til að styrkja vináttuböndin og efla samstöðuna. Til að mynda var efnt til grill-fjölskylduveislu í Heiðmörkinni á eilítið hráslagalegum sumardegi og eitt fallegt sumarkvöld gengu kórkonur saman frá Vídalínskirkju suður í Hafnarfjörð og skröfuðu og hlógu yfir kaffibollanum á Súfistanum. Þremur dögum eftir fyrstu kóræfingu var svo flautað til fjallgöngu og stefnan sett á Helgafell á Reykjanesi. Þangað mættu fimm þaulvanar; formaðurinn ungi (varla fimmtug) og fjórar úr klúbbnum 60+ en í þeim ágæta klúbbi er u.þ.b. þriðjungur kórfélaga. Þótt Veðurstofa Íslands hafi skömmu áður gefið út stormviðvörun og spáð talsverðri úrkomu - sem líklega hefur dregið úr fjallaþrá velflestra kórkvenna - lögðu vaskar göngukonur ótrauðar á fjallið, enda vel búnar og allar í toppformi. Spáin gekk að vísu eftir, það rigndi hressilega „með köflum“ og vindurinn reif á stundum óþyrmilega í vatns- og vindhelda gallana. Á toppinn komust þær þó léttilega, gæddu sér þar á nesti og skráðu nöfn sín stoltar á „spjöld sögunnar“, þ.e. í gestabók Helgafells. Á niðurleið fjarstýrði formaðurinn fjölskyldu sinni símleiðis sem óstudd af húsmóðurinni hafði það vandasama hlutverk með höndum að sjá um kvöldmatinn. Hinar eldri létu sér það í léttu rúmi liggja þótt enginn matur væri á borðum þeirra á hefðbundnum matartíma. En dásamlegt var að komast í heitt bað þegar heim var komið.
Kvennakór Garðabæjar hóf formlega starfsemi haustannar með æfingu mánudaginn 25. ágúst. Kórinn æfir öll mánudagskvöld kl. 19.30 – 22.30 en sú nýbreytni verður nú tekin upp að í stað síðdegisæfinga annan hvern miðvikudag verður æft eitt fimmtudagskvöld í mánuði. Eftirvænting og gleði var ríkjandi á þessari fyrstu æfingu haustsins. Kórstjóri og kórkonur, sem margar hverjar hafa verið í kórnum frá upphafi, glöddust yfir endurfundum og þá var því sömuleiðis tekið fagnandi að all nokkrir nýliðar hafa bæst í hópinn. Eru þessir nýju félagar boðnir innilega velkomnir í kórinn. Lesið frekar um spennandi starf Kvennakórs Garðabæjar í þessari frétt.Menningarvaka, afmælisfagnaður og aðventutónleikar er bara brot af því sem er á dagskrá hjá Kvennakór Garðabæjar í vetur
Að venju er dagskrá haustannar fjölbreytt. Árleg Haustvaka, menningarvaka í tali og tónum, verður haldin fimmtudaginn 16. október, með þátttöku góðra gesta úr Garðabæ. Aðeins rúmri viku síðar, eða laugardaginn 25. október, mun kórinn taka þátt í afmælisfagnaði Kórs Átthagafélags Strandamanna í Langholtskirkju. Ýmislegt fleira er á dagskránni, auk hátíðlegra aðventutónleika í desember og verða því gerð nánari skil síðar.

2B Company og Thorsson kynna með stolti Grammy verðlaunahafa alla leið frá Suður-Afríku sem New York Times kallar Raddirnar frá Himnum. Stórkostuleg söngupplifun mun eiga sér stað í Laugardalshöllinni þann 8. október næstkomandi þegar hinn heimsfrægi og stórkostlegi SOWETO gospelkór sem kemur alla leið frá Suður-Afríku mun stíga á stokk. Kórinn fékk á dögunum Grammy verðlaunin 2007 fyrir frábæran fluttning og sviðsframkomu. SOWETO telur 26 manns og notast þau við hljóðfæri og annan búnað til að gera tónleikana sem eftirminnilegasta fyrir áhorfendur. SOWETO hefur komið fram með mörgum af frægustu tónlistamönnum heims þ.á.m Bono úr U2 og einnig komu þeir fram hjá friðarsinnanum Nelson Mandela.Lofi er ausið yfir Soweto gospelkórinn
Gagnrýnendur eiga ekki nógu sterk lýsingarorð til að lýsa þessum stórkoslega Gospelkór sem sækir okkur heim í haust. Hér að neðan koma nokkrir dómar og lýsingarorð gagnrýnenda. “Nothing can really prepare you for the riot of exuberance and depth of emotion” The Scotsman (06/08/03) “A concert that dares you not to return the participants’ smiles” The Herald, Scotland (11/08/03) EDINBURGH REVIEW 2007 “... a truly otherworldly sound that literally takes the breath away ...dazzling” AUSTRALIA REVIEW 2007 “Vibrant, radiant, majestic...inspired and inspiring music, boldly performed ” Taking your senses by storm”“A spectacular show of song and dance….it is a night to cherish” “The exuberant energy, the glorious interpretations of familiar songs, and the spectacular voices all contribute to the magic of the night” “They’re simply the best” Diane De Beer, The Star Tonight 19/04/06 “Gospel sensation” “The international sensation, SGC, fresh from their world tour, dazzled the audience during their performance at the Joburg Civic Theatre” Daily Sun, 19/04/06 Eins og sjá má á þessari upptalningu þá er um að ræða magnaða upplifun og einstakt tækifæri fyrir söngáhugafólk og þá sem hafa gaman að framandi menningu. Það er viðburða og útgáfufyrirtækið 2B Company í samstarfi við Thorsson sem stendur að komu SOWETO til lands í haust. Allar nánari upplýsingar er hægt að nálgast hjá Birgi hjá 2BC. Ef áhugi er hjá aðildarkórum Gígjunnar að fjölmenna þá er góðum afslætti lofað. netfang: biggi(hjá)2bc.is sími: 895 8994 vefsetur: http://www.2bc.is/ Miðasala á þessa tónleika er þegar hafin á vefsetrinu: http://midi.is

Sunnudaginn 31. ágúst næstkomandi mun Kvennakórinn Vox feminae sækja Hóladómkirkju heim. Stjórnandi kórsins er Margrét J. Pálmadóttir. Kórinn mun syngja við messu kl. 11.00 og síðan á tónleikum kl. 14.00. Á tónleikunum verða flutt ýmis trúarleg verk eftir íslenska höfunda ásamt úrvali Maríuljóða. Hóladómkirkja minnist um þessar mundir 800 ára afmælis hins þekkta sálms „Heyr himnasmiður" eftir Kolbein Tumason og eru tónleikarnir ekki síst tileinkaðir þeim sálmi. Tónlistarunnendur ættu að grípa þetta tækifæri til að eiga góða stund í Hóladómkirkju. Aðgangur er ókeypis.

Kvennakórinn Vox feminae er 15 ára á þessu ári
Vox feminae fagnar á þessu ári 15 ára starfsafmæli sínu. Kórinn var stofnaður árið 1993 af Margréti J. Pálmadóttur og hefur starfað undir stjórn hennar æ síðan. Vox feminae hefur komið fram við margvísleg tækifæri hér heima og haldið fjölda tónleika á ári hverju. Þá hefur kórinn farið í tónleikaferðir bæði innanlands og utan. Kórinn hefur starfað með fjölmörgum listamönnum og einnig sungið með Sinfóníuhljómsveit Íslands. Í nóvember árið 2000 vann Vox feminae til silfurverðlauna í VIII Alþjóðlegu kórakeppninni í flutningi trúarlegrar tónlistar, keppni sem kennd er við tónskáldið Palestrina og haldin er í Vatikaninu í Róm. Trúarleg tónlist ásamt íslenskum þjóðlögum og sönglögum hefur einkennt lagaval kórsins í gegnum tíðina, en jafnframt hefur kórinn lagt rækt við samtímatónlist eftir íslensk tónskáld.

Reykjanesbær verður gestabæjarfélag á Menningarnótt í Reykjavík í ár og verður staðið fyrir metnaðarfullri dagskrá allan daginn í ráðhúsinu þar sem listafólk úr bæjarfélaginu mun skemmta gestum og áhugaverðar sýningar verða í gangi. Tónlistin verður í stóru hlutverki enda ekki annað við hæfi í bæjarfélagi sem hefur fóstrað margt tónlistarfólkið. Kvennakórinn tekur jafnan virkan þátt í ýmsum viðburðum í Reykjanesbæ samhliða hefðbundnu starfi. Hann fagnar í ár 40 ára afmæli sínu og hélt af því tilefni frábæra afmælistónleika í febrúar. Kórinn mun flytja "Big Band" tónlist ásamt Léttsveit TR auk þess að syngja nokkur lög við píanóleik Geirþrúðar Fanneyjar Bogadóttur. Stjórnandi Kvennakórs Suðurnesja er Dagný Þórunn Jónsdóttir. Tónleikar Kvennakórs Suðurnesja fara fram í Ráðhúsinu kl. 15.00-15.45

Dagskrá Menningarnætur 23. ágúst
Bátafloti Gríms Sýnishorn af bátaflota Gríms Karlssonar fyrrum sjómanns og skipstjóra úr Njarðvík. Grímur hefur af mikilli ástríðu smíðað um 200 bátalíkön sem saman rekja þróun báta á Íslandi frá 1860 til vorra daga. Poppminjasafn Íslands Vagg og velta, rokkárin á Íslandi. Sýningin greinir frá upphafsárum rokksins þegar bændasamfélagið var að hverfa en þéttbýlissamfélag að mótast. Sýning var opnuð í Duushúsum 2007 og stendur til 2009. Flug- og sögusetur Reykjaness Er félag áhugafólks um varðveislu og miðlun sögu flugs og hers á Íslandi. Sjónum er einkum beint að Keflavíkurflugvelli. Verið er að leita að húsnæði og vinna að söfnun muna, mynda og frásagna. Póstkort frá Reykjanesi Reykjanesskaginn er stórbrotið náttúruundur og lifandi eldfjallstöð. Oddgeir Karlsson og Ellert Grétarsson sýna náttúrufegurð skagans í ljósmyndasýningu á skjá. Reykjanesbær Tími til að lifa og njóta er yfirskrift framtíðarsýnar Reykjanesbæjar fyrir 2006 - 2010 sem unnin var í samvinnu við íbúa bæjarins. Skjásýning. Orkan á Suðurnesjum Hitaveita Suðurnesja hf. hefur unnið orku úr háhita jarðvarma í rúm 30 ár. Virkjanir hennar sem og rannsóknir á jarðhitakerfinu hafa alla tíð verið öllum aðgengilegar og eru eftirsóknarverðar að skoða. Blái demanturinn Kynningarmynd frá Bláa demantinum byggir á hugmynd um sögu- og náttúruþemagarð á Reykjanesi. - SAGA ORKA NÁTTÚRA - Blái demanturinn byggir á nýrri stoð í afþreyingariðnaði á Íslandi. TÓNLEIKAR Léttsveit TR Mögnuð "Big Band" sveit Tónlistarskóla Reykjanesbæjar sem hefur einungis vaxið og eflst á þeim 20 árum sem hún hefur starfað undir dyggri stjórn Karenar Sturlaugsson. Tími: kl. 14.00 -14.45 Kvennakór Suðurnesja Kvennakórinn tekur jafnan virkan þátt í ýmsum viðburðum í Reykjanesbæ samhliða hefðbundnu starfi. Hann fagnar í ár 40 ára afmæli sínu og hélt af því tilefni frábæra afmælistónleika í febrúar. Kórinn mun flytja “Big Band” tónlist ásamt Léttsveit TR auk þess að syngja nokkur lög við píanóleik Geirþrúðar Fanneyjar Bogadóttur. Stjórnandi Kvennakórs Suðurnesja er Dagný Þórunn Jónsdóttir. Tími: kl. 15.00 - 15.45 Söngvarar af Suðurnesjum 3 óperusöngvarar úr Reykjanesbæ, þau Bylgja Dís Gunnarsdóttir, Jóhann Smári Sævarsson og Dagný Þórunn Jónsdóttir ásamt Geirþrúði Fanneyju Bogadóttur meðleikara, flytja fjölbreytta dagskrá. Tími: kl. 16.00 - 16.45 Karlakór Keflavíkur Nú er í smíðum hljómdiskurinn "Þú lýgur því" þar sem kórinn hefur látið útsetja lög helstu popptónlistarmanna af Suðurnesjum í samvinnu við þá. Kórinn flytur hér efni af væntanlegum diski. Tími: kl. 17.00 - 17.45 Harmonikuunnendur Í Reykjanesbæ er starfandi öflugt og einstaklega lifandi félag harmónikuunnenda sem nýverið hélt glæsilegt landsmót harmonikuunnenda í Reykjanesbæ. Tími: kl. 18.00 - 18.45 "Oft spurði ég mömmu" Plata Sigurðar Guðmundssonar og Memfismafíunnar "Oft spurði ég mömmu" hefur vakið mikla athygli en við gerð hennar var stuðst við gamaldags upptökutækni. Þeir félagar færa okkur óminn frá liðnum árum. Tími: kl. 20.00 - 20.45 Hjálmar Ein ástsælasta hljómsveit Íslands síðustu ára er hljómsveitin Hjálmar, oft kennd við Keflavík. Þeir hafa hlotið fjölda tilnefninga til Íslensku tónlistarverðlaunanna og plötur þeirra náð gullplötusölu. Tími: kl. 21.00 - 21.45 Rokksveit Rúna Júl Rúnar Júlíusson hefur óumdeilt haft mikil áhrif á íslenskt tónlistarlíf liðinna áratuga. Hann hefur og um árabil staðið að blómlegri tónlistarútgáfu í gegnum fyrirtækið Geimstein. Tími: kl. 22.00 - 22.45
Reykjanesbær verður gestabæjarfélag á Menningarnótt í Reykjavík í ár og verður staðið fyrir metnaðarfullri dagskrá allan daginn í ráðhúsinu þar sem listafólk úr bæjarfélaginu mun skemmta gestum og áhugaverðar sýningar verða í gangi. Tónlistin verður í stóru hlutverki enda ekki annað við hæfi í bæjarfélagi sem hefur fóstrað margt tónlistarfólkið. Kvennakórinn tekur jafnan virkan þátt í ýmsum viðburðum í Reykjanesbæ samhliða hefðbundnu starfi. Hann fagnar í ár 40 ára afmæli sínu og hélt af því tilefni frábæra afmælistónleika í febrúar. Kórinn mun flytja "Big Band" tónlist ásamt Léttsveit TR auk þess að syngja nokkur lög við píanóleik Geirþrúðar Fanneyjar Bogadóttur. Stjórnandi Kvennakórs Suðurnesja er Dagný Þórunn Jónsdóttir. Tónleikar Kvennakórs Suðurnesja fara fram í Ráðhúsinu kl. 15.00-15.45Tími til að lifa: dagskrá Reykjanesbæjar á menningarnótt í Reykjavík
Reykjanesbær verður gestabæjarfélag á Menningarnótt í Reykjavík í ár og verður staðið fyrir metnaðarfullri dagskrá allan daginn í ráðhúsinu þar sem listafólk úr bæjarfélaginu mun skemmta gestum og áhugaverðar sýningar verða í gangi. Dagskráin, sem verður undir yfirheitinu Tími til að lifa, verður fjölbreytt og má þar nefna kynningu á bátaflota Gríms Karlssonar, Poppminjasafni Íslands, Flug og sögusetri Reykjaness og ljósmyndir þeirra Oddgeirs Karlssonar og Ellert Grétarssonar af Reykjanesskaganum. Einnig verða í gangi kynningar á Reykjanesbæ, orku á Reykjanesi, Bláa demantinum og fl. Tónlistin verður í stóru hlutverki enda ekki annað við hæfi í bæjarfélagi sem hefur fóstrað margt tónlistarfólkið. Meðal þeirra sem fram koma eru léttsveit TR, Kvennakór Suðurnesja, óperusöngvarar, harmonikkuunnendur, Karlakór Keflavíkur, Sigurður Guðmundsson, Hjálmar og rokksveit Rúnars Júlíussonar.