Landssamband íslenskra Kvennakóra

Kvennakór Garðabæjar getur bætt við sig söngelskum konum í allar raddir. Fjölbreytt lagaval, frábær félagsskapur, metnaðarfullt kórstarf og lágmarks fjáröflun er það sem meðal annars er boðið uppá. Fyrsta kóræfing vetrarins verður mánudaginn 25. ágúst, sem fyrr verður æft í Safnaðarheimilinu Kirkjuhvoli öll mánudagskvöld, kl. 19.30-22.30 og eitt fimmtudagskvöld í mánuði. Vetrarstarf kórsins verður með hefðbundnu sniði en geta má árlegrar haustvöku auk hátíðlegra aðventutónleika og veglegra vortónleika. Auk þess verður farið í söngferð til Stykkishólms í október og næsta sumar er ætlunin að fara í tónleikaferð út fyrir landsteinana. Lagaval kórsins hefur frá upphafi verið einstaklega fjölbreytt og má nefna að í ár verður áhersla lögð á léttari sönglög og þjóðlagasyrpur. Haustið er heppilegur tími til að bæta við nýjum kórfélögum og því eru áhugasamar og söngelskar konur hvattar til að líta á heimasíðu kórsins.

Kvennakór Garðabæjar býður nýja félaga velkomna í hópinn
Kórinn hefur ætíð verið þekktur fyrir vandaðan söng og metnaðarfullt starf og hefur Bæjarstjórn Garðabæjar sýnt kórnum mikla viðurkenningu með starfssamnings til þriggja ára í senn. Fjöldi kórkvenna hefur á síðast liðnum árum haldist svipaður eða um 40 kórkonur sem margar hafa sungið með frá upphafi. Kórinn, sem nú er að hefja níunda starfsárið, vill gjarnan fjölga í hópnum og má sjá auglýsingar þess efnis í Garðapóstinum og Fréttablaðinu. Haustið er heppilegur tími til að bæta við nýjum kórfélögum og því eru áhugasamar og söngelskar konur hvattar til að líta á heimasíðu kórsins http://www.kvennakor.is þar sem nánari upplýsingar er að finna um blómlega starfsemi og skemmtilegan félagsskap. Einnig má hafa samband við Ingibjörgu kórstjóra í síma 864 2722 eða á netfangið kvennakor(hjá)kvennakor.is. Kórkonur eru víða af höfuðborgarsvæðinu og er því búseta í Garðabæ ekki skilyrði.

Kvennakór Hornafjarðar er sko ekki af baki dottinn hann er rétt búinn að hrista fram úr erminni glæsilegt landsmót. Hann undirbýr nú óvissukvöld fyrir eiginmenn sína og næsta mál á dagskrá er að undirbúa þjóðakvöldið sem haldið verður á Humarhátíðinni á Hornafirði. "Heilar og sælar söngsystur allar og þið sem voruð á landsmótinu, kærar þakkir fyrir síðast. Við erum hamingjusamar og innilega þakklátar öllum þeim sem hafa sent okkur frábæra tölvupósta, ánægjulegar kveðjur og þakkir, hafið þið allar hjartans þakkir fyrir. Það er einmitt hluti þess staðfestingar að mótið tókst vel, öll undirbúnings- og skipulags vinna hélt. Annar stór þáttur í því að svona vel til tókst voruð þið allar/öll í kórunum sem komuð hingað en það var alveg frábært að vera með ykkur." Þetta er upphafið af skemmtilegu bréfi sem barst frá Kvennakór Hornafjarðar í byrjun maí. Lesið bréfið í heild sinni í þessari frétt.Bréf frá Kvennakór Hornafjarðar
Heilar og sælar söngsystur allar og þið sem voruð á landsmótinu, kærar þakkir fyrir síðast. Við erum hamingjusamar og innilega þakklátar öllum þeim sem hafa sent okkur frábæra tölvupósta, ánægjulegar kveðjur og þakkir, hafið þið allar hjartans þakkir fyrir. Það er einmitt hluti þess staðfestingar að mótið tókst vel, öll undirbúnings- og skipulagsvinna hélt. Annar stór þáttur í því að svona vel til tókst voruð þið allar/öll í kórunum sem komuð hingað en það var alveg frábært að vera með ykkur. Einnig það að okkar góðu makar lögðu allt annað frá sér til að ljá okkur lið við undirbúninginn og vinnu þessa helgi svo við gætum sjálfar verið með í því sem boðið var uppá. Þeir styðja okkur ætíð í öllu því sem við tökum okkur fyrir hendur, sem er nú ýmislegt bæði mögulegt og ómögulegt, og án þeirra vinnuframlags hefðum við svo sannarlega ekki staðið svo vel að vígi. Við erum ekki aldeilis af baki dottnar, því vortónleikarnir okkar voru 14. maí, með fjölbreyttri og skemmtilegri dagskrá, "að hætti Svavars" okkar frábæra kórstjóra. Við ætlum svo að fara í óvissuferð með strákana okkar föstudaginn 16. maí, sem smá umbun fyrir alla þeirra jákvæðni og vinnu í sambandi við landsmótið. Eftir það hefst undirbúningur fyrir þjóðakvöldið okkar á árlegri Humarhátíð hér á Hornafirði sem er orðin fastur liður á þeirri merku hátíð. Þjóðakvöldið hefur ætíð sitt ákveðna þema og bara spennandi að sjá hvaða þema verður fyrir valinu í ár en það kemur ekki í ljós fyrr en gestirnir mæta í hús. Verið hjartanlega velkomin á Humarhátíð, en eins og þið tókuð eftir sem komuð á landsmótið, að þá er bara örstutt að skjótast hingað til okkar á Hornafjörð. Bestu kveðjur frá stelpunum í Kvennakór Hornafjarðar og mökum þeirra

Það er engu líkara en að Kvennakór Hornafjarðar vinni við að halda landsmót svo frábærar voru þær í því hlutverki sínu. Öll skipulagning mótsins var mjög vel unnin og allar tímasetningar stóðust. Það er auðvitað aldrei hægt að gera tæmandi lista yfir alla sem lögðu hönd á plóginn til þess að þetta sjöunda landsmót Gígjunnar yrði eins glæsilegt og raun bar vitni. Það ríkti greinilega mikill samhugur á Hornafirði um að gera þetta landsmót sem allra glæsilegast og allir virtust leggjast á eitt. Við þökkum ykkur öllum fyrir glæsilegar móttökur og frábært landsmót. Stjórn Gígjunnar, landssambands íslenskra kvennakóra óskar Kvennakór Hornafjarðar hjartanlega til hamingju með glæsilegt landsmót og veit að hún talar fyrir hönd allra sem voru á mótinu – þetta var í alla staði frábært hjá ykkur, HÚRRA, HÚRRA, HÚRRA fyrir ykkur öllum. Næsta landsmót Gígjunnar verður haldið á Selfossi árið 2011.

Þakkir frá stjórn Gígjunnar til allra Hornfirðinga
Það er engu líkast en að Kvennakór Hornafjarðar vinni við að halda landsmót svo frábærar voru þær í því hlutverki sínu. Öll skipulagning mótsins var mjög vel unnin og allar tímasetningar stóðust sem getur nú verið mjög flókið þegar svona mikið af fólki er samankomið á einum stað. Mótsstjórn var í höndum Bjargar Erlingsdóttur sem stóð sig með miklum ágætum og stjórnaði öllu mótinu af fagmennsku og röggsemi. Landsmótsnefndin þær; Erna Gísladóttir, Ingibjörg Ævarr Steinsdóttir og Lucia Óskarsdóttir báru hitann og þungann af undirbúningi og eiga þær einnig hrós skilið. Hægt er að lesa mjög skemmtileg skilaboð frá þeim undir linknum “Landsmót” en þær voru duglegar við að koma upplýsingum um framvindu mála til aðildarkóranna. Hjartans þakkir Erna, Ingibjörg og Lucia þið voruð alveg frábærar. Tengiliðir kóranna fá einnig rós í hnappagatið en þeir voru ávallt til staðar og leystu öll mál sem upp komu fljótt og vel. Hornfirðingar tóku mjög vel á móti öllum og var konum gjarnan boðið far á milli staða af bæjarbúum. Búðirnar voru opnar eftir hádegi á laugardeginum og sundlaugin breytti opnunartímanum fyrir okkur. Makar kórkvenna Kvennakórs Hornafjarðar tóku mjög vel á móti okkur með varðeld, léttum veitingum og söng á föstudagskvöldið í fjallasölum Hoffells. Höfðu sett kertaljós útum allt í fjallinu og greinilega hætt lífi sínu og limum fyrir það fjallaklifur, en það bar árangur við heilluðumst gjörsamlega upp úr skónum. Veitingarnar voru heldur ekki af verri endanum kransakökubitar og jarðarber ásamt ísköldum bjór og léttvíni. Þeir þjónuðu okkur einnig til borðs á hátíðarkvöldverðinum á laugardagskvöldinu (dúlluðu við okkur) og dönsuðu meira að segja við okkur þegar þeir höfðu tíma á milli þjónustustarfa. Heimatilbúin skemmtiatriði á laugardagskvöldinu og frábær hljómsveitin Kusk spilaði fyrir dansi. Í litlu bæjarfélagi þarf fólk oft að bregða sér í mörg hlutverk og til gamans má geta þess að hinn ungi og bráðhressi söngvari Kusks er einnig meðhjálpari í kirkjunni. Bæjarstjórinn Hjalti Þór Vignisson var veislustjóri kvöldsins og fór á kostum. Kórstjóri Kvennakórs Hornafjarðar á einnig hrós skilið hann Svavar Sigurðsson sem náði góðum hljóm í landsmótslaginu "Þegar sólin skín". Textinn er eftir Guðbjart Össurarson og lagið er eftir Þóru Marteinsdóttur, tónskáld. Það var afar ánægjulegt að hafa þau bæði viðstödd frumflutninginn og færir Gígjan þeim sérstakar þakkir fyrir þeirra framlag. Það er auðvitað aldrei hægt að gera tæmandi lista yfir alla sem lögðu hönd á plóginn til þess að þetta sjöunda landsmót Gígjunnar yrði eins glæsilegt og raun bar vitni. Það ríkti greinilega mikill samhugur á Hornafirði um að gera þetta landsmót sem allra glæsilegast og allir virtust leggjast á eitt og við þökkum ykkur öllum fyrir glæsilegar móttökur og frábært landsmót. Stjórn Gígjunnar, landssambands íslenskra kvennakóra óskar Kvennakór Hornafjarðar hjartanlega til hamingju með glæsilegt landsmót og veit að hún talar fyrir hönd allra sem voru á mótinu – þetta var í alla staði frábært hjá ykkur, HÚRRA, HÚRRA, HÚRRA fyrir ykkur öllum. Næsta landsmót Gígjunnar verður haldið á Selfossi árið 2011 og mun Jórukórinn á Selfossi sjá um allan undirbúning.
Það er engu líkara en að Kvennakór Hornafjarðar vinni við að halda landsmót svo frábærar voru þær í því hlutverki sínu. Öll skipulagning mótsins var mjög vel unnin og allar tímasetningar stóðust. Það er auðvitað aldrei hægt að gera tæmandi lista yfir alla sem lögðu hönd á plóginn til þess að þetta sjöunda landsmót Gígjunnar yrði eins glæsilegt og raun bar vitni. Það ríkti greinilega mikill samhugur á Hornafirði um að gera þetta landsmót sem allra glæsilegast og allir virtust leggjast á eitt. Við þökkum ykkur öllum fyrir glæsilegar móttökur og frábært landsmót. Stjórn Gígjunnar, landssambands íslenskra kvennakóra óskar Kvennakór Hornafjarðar hjartanlega til hamingju með glæsilegt landsmót og veit að hún talar fyrir hönd allra sem voru á mótinu – þetta var í alla staði frábært hjá ykkur, HÚRRA, HÚRRA, HÚRRA fyrir ykkur öllum. Næsta landsmót Gígjunnar verður haldið á Selfossi árið 2011.

Gospelsystur Reykjavíkur halda tónleika í Háteigskirkju miðvikudaginn 14. maí kl. 20.30. Margrét J. Pálmadóttir stjórnar tónleikunum en á þeim kemur einnig fram einsöngvarinn Seth Sharp sem löngu er landanum kunnur fyrir frábæran flutning á m.a. gospeltónlist. Hljóðfæraleikarar að þessu sinni með Gospelsystrum eru þeir Agnar Már Magússon, Stefán S. Stefásson og Hallgrímur J. Jensson. Tónleikarnir bera heitið "I am his child" og er efnisskráin fjörug með íslenskum og erlendum lögum. Miðar verða seldir hjá kórfélögum og við innganginn, miðaverð er kr. 1.500.-