Landssamband íslenskra Kvennakóra

Gígjunni hefur borist boð um það að allir aðildarkórar hennar geta tekið þátt í kvennakóramóti sem haldið verður í Þrándheimi í Noregi dagana 10. – 13. apríl 2008. Haft hefur verið samband við framkvæmdanefnd mótsins til þess að fá umsóknarfrestinn framlengdan til 1. júní 2007 fyrir áhugasama íslenska kvennakóra. Hægt er senda skráningu á mótið á netfangið: kor(hjá)nksortrondelag.no. Umsókninni verður að fylgja, nafn kórs, nafn tengiliðs, símanúmer og netfang hans og fjöldi kórfélaga. Nánari upplýsingar um þetta kvennakóramót er að finna á vefsetrinu: http://www.kor.no/distrikt/index.cfm?distrikt=17&WID=369distrikt=17&WID=369. Einnig er hægt að fá upplýsingar um mótið með því að hringja í Anne Grethe Sandnes í síma: +47 920 29 243. Gígjan hefur fengið þær upplýsingar að Kvennakór Reykjavíkur ætlar að taka þátt í mótinu í Noregi, en þær ætla sér einnig að vera með á íslenska mótinu á Hornafirði þó svo að bæði mótin séu í sama mánuði. Kvennakórinn Embla í Eyjafjarðarsveit undir stjórn Roar Kvam er einnig að fara á Norræna kvennakóramótið.

Næstkomandi föstudag og laugardag 18. og 19. maí heldur Jórukórinn sinn árlega flóamarkað í Tryggvaskála á Selfossi sem staðsettur er við brúarsporðinn. Margt eigulegra muna verður á boðstólum; smátt og stórt, mjúkt og hart, skart og skraut, skæði og klæði, bækur og blöð, plötur og diskar, nýtt og notað. Allur varningurinn er seldur á mjög hóflegu verði. Einnig verða heimabakaðar kökur og annað ljúfmeti til sölu ásamt kaffi og nýbökuðum vöfflum með rjóma. Á föstudag verður opið frá kl. 14.00 til 19.00 og laugardag frá kl. 10.00 til 17.00. Flóamarkaðurinn er liður í fjáröflun fyrir söngferðalag kórsins til Danmerkur og Svíþjóðar nú í júní. Vonast Jórurnar til þess að sem flestir noti þetta tækifæri til að gera góð kaup á skemmtilegum markaði sem er orðinn fastur liður í bæjarlífinu í Árborg.

Kyrjurnar hafa um þessar mundir starfað í 10 ár. Starfið hófst vorið 1997 og hefur verið óslitin skemmtun síðan. Vortónleikar Kyrjanna sem jafnframt eru afmælistónleikar verða þann 17. maí kl. 17.00 í Seltjarnarneskirkju. Yfirskrift tónleikanna er "Ástir og rómantík" og sungin verða lög í þeim anda bæði íslensk og ensk undir stjórn Sigurbjargar Hv. Magnúsdóttur. Píanóleikari Kyrjanna er Halldóra Aradóttir sem jafnframt útsetur mörg lögin. Daníel Friðrik Böðvarsson sér um gítarleik. Tónleikarnir verða teknir upp á geisladisk. Miðaverð í forsölu er kr. 1500 og við innganginn kr. 2000. Kyrjurnar ljúka vorönninni með ferð að Sólheimum í Grímsnesi þann 22. maí en þar munu þær syngja fyrir langveikt fólk sem dvelur þar í orlofsdvöl í boði Bergmáls styrktarfélags.

Kyrjurnar hafa um þessar mundir starfað í 10 ár. Starfið hófst vorið 1997 og hefur verið óslitin skemmtun síðan. Vortónleikar Kyrjanna sem jafnframt eru afmælistónleikar verða þann 17. maí kl. 17.00 í Seltjarnarneskirkju. Yfirskrift tónleikanna er "Ástir og rómantík" og sungin verða lög í þeim anda bæði íslensk og ensk undir stjórn Sigurbjargar Hv. Magnúsdóttur. Píanóleikari Kyrjanna er Halldóra Aradóttir sem jafnframt útsetur mörg lögin. Daníel Friðrik Böðvarsson sér um gítarleik. Tónleikarnir verða teknir upp á geisladisk. Miðaverð í forsölu er kr. 1500 og við innganginn kr. 2000. Kyrjurnar ljúka vorönninni með ferð að Sólheimum í Grímsnesi þann 22. maí en þar munu þær syngja fyrir langveikt fólk sem dvelur þar í orlofsdvöl í boði Bergmáls styrktarfélags.

Varst þú á síðasta landsmóti sem haldið var í Hafnarfirði árið 2005? Ef ekki þá er tækifæri til þess að taka þátt í næsta landsmóti kvennakóra sem haldið verður á Hornafirði. Vinnan við landsmótið sem verður síðustu helgina í apríl 2008 er komin á fullt skrið þannig að það er í nógu að snúast hjá Kvennakór Hornafjarðar þessa dagana. Kórinn ætlar að senda bréf til allra aðildarkóra Gígjunnar með nánari upplýsingum um mótið í byrjun næsta starfsárs. Landsmótið á Hornafirði verður það sjöunda í röðinni.Yfirlit yfir landsmót íslenskra kvennakóra
1 1992 Kvennakórinn Lissý 2 1995 Kvennakór Reykjavíkur 3 1997 Freyjukórinn í Borgarfirði 4 1999 Kvennakór Siglufjarðar 5 2002 Kvennakór Suðurnesja 6 2005 Kvennakór Hafnarfjarðar 7 2008 Kvennakór Hornafjarðar Allar nánari upplýsingar um landsmótið gefur Kvennakór Hornafjarðar: Kvennakór Hornafjarðar Höfðavegur 3 780 Höfn í Hornafirði Formaður: Ragnheiður Rafnsdóttir, raggara(hjá)simnet.is Sími: 586 2670 og 893 0468 Stjórnandi: Svavar Sigurðsson Undirleikari: Jónína Einarsdóttir