Landssamband íslenskra Kvennakóra

Kvennakór Akureyrar heldur sína árlegu vortónleika í Akureyrarkirkju laugardaginn 24. mars. Þetta eru sjöttu vortónleikar kórsins sem á þessu starfsári hefur á að skipa hartnær 80 konum frá Akureyri og nærsveitum. Stjórnandi kórsins er Arnór B. Vilbergsson en undirleikarar á tónleikunum eru Helga Bryndís Magnúsdóttir á píanó og Halli Gulli á slagverk. Tónleikarnir verða haldnir í Akureyrarkirkju laugardaginn 24. mars og hefjast kl. 16.00. Miðaverð er kr. 1.500 fyrir fullorðna en frítt fyrir börn yngri en 12 ára.Fréttatilkynning frá Kvennakór Akureyrar
Kvennakór Akureyrar heldur sína árlegu vortónleika í Akureyrarkirkju laugardaginn 24. mars n.k. Þetta eru sjöttu vortónleikar kórsins, sem á þessu starfsári hefur á að skipa hartnær 80 konum frá Akureyri og nærsveitum. Efnisskráin er fjölbreytt að vanda. Þar má finna léttmeti, þungmeti og ljúfmeti að sögn kórstjórans, Arnórs B. Vilbergssonar. Þar eru t.d. lög eftir íslenska höfunda eins og Magnús Kjartansson, Gunnar Þórðarson, Sigurð Rúnar Jónsson og Sigvalda Kaldalóns í bland við lög erlendra höfunda eins og Eric Clapton, Cole Porter, Burt Bacharach og Philipp Gretcher. Kórinn syngur einnig erlend þjóðlög og madrigala og spannar efnisskráin tónlist frá því um 1500 og fram til 21. aldarinnar. Hildur Tryggvadóttir, sópran syngur einsöng með kórnum. Fjórir kórfélagar syngja einnig einsöng, en það eru þær Hólmfríður Þorsteinsdóttir, Linda Guðmundsdóttir, Sigríður H. Arnardóttir og Snæfríð Egilson. Stjórnandi kórsins er Arnór B. Vilbergsson en undirleikarar á tónleikunum eru Helga Bryndís Magnúsdóttir á píanó og Halli Gulli á slagverk. Tónleikarnir eru haldnir í Akureyrarkirkju laugardaginn 24. mars og hefjast kl. 16.00. Miðaverð er kr. 1.500 fyrir fullorðna en frítt fyrir börn yngri en 12 ára. Athugið að því miður er ekki hægt að taka við greiðslukortum.

Það er nóg um að vera hjá Kvennakór Kópavogs um þessar mundir. Kórinn undirbýr nú ferð til Búdapest þar sem hann mun taka þátt í kórakeppninni; Musica Mundi. Stjórnandi Kvennakórs Kópavogs er Natalía Chow Hewlett. Á þessu ári heldur kórinn upp á fimm ára afmæli sitt og fagnar því meðal annars með glæsilegum tónleikum í Salnum í Kópavogi ásamt Regínu Ósk Óskarsdóttur og Englakór sem er barnakór einnig undir stjórn Natalíu. Tónleikarnir hefjast kl. 14 sunnudaginn 25. mars. Hægt er að kaupa miða í síma: 5 700 400.Fréttatilkynning frá Kvennakór Kópavogs
Kvennakór Kópavogs var stofnaður í janúar 2002 af Natalíu Chow Hewlett. Fyrsta starfsárið voru í kórnum um 60 konur sem sýnir hversu þarft framtak það var að stofna kvennakór í Kópavogi. Strax á stofnfundinum nefndi Natalía að vorið 2007, á 5 ára starfsafmæli kórsins, yrði kórakeppnin Musica Mundi í Búdapest sem gaman væri að taka þátt í. Síðan hefur verið stefnt að því leynt og ljóst og er nú í byrjun apríl fer kórinn til Búdapest og tekur þar þátt í umræddri keppni. Fjöldi kórkvenna hefur verið breytilegur þessi 5 ár, síðustu misserin um 35-45 konur. Tvennir tónleikar hafa verið haldnir flest starfsárin og hefur kórinn oftast staðið einn að þeim. Efnisskrá kórsins hefur verið fjölbreytt, t.d. þjóðlög frá ýmsum löndum, kirkjutónlist, bítlalög og negrasálmar. Kórinn hefur líka sungið á fjölmörgum tungumálum öðrum en íslensku eins og ensku, ítölsku, latínu, þýsku, kínversku og ungversku. Undirleikari kórsins frá upphafi hefur verið Julian Hewlett. Kvennakórinn fór í sína fyrstu utanlandsferð til Færeyja vorið 2005 og hélt þá tónleika í vinabæ Kópavogs, Klakksvík. Nú á 5 ára afmæli kórsins eru tónleikarnir veglegri en fyrr og höfum við fengið góðan liðsstyrk hjá frábæru listafólki. Regína Ósk Óskarsdóttir mun syngja á tónleikunum, bæði með kórnum og líka ein. Einnig mun Englakórinn, barnakór sem Natalía Chow stjórnar, syngja nokkur lög. Tónleikarnir verða í Salnum tónleikahúsi Kópavogs sunndaginn 25. mars kl. 14:00. Miðasala er í Salnum, virka daga frá kl. 10-16, sími 5 700 400. Miðaverð er kr. 1500 / 1200 kr, frítt fyrir 12 ára og yngri. Nánari upplýsingar á http://www.salurinn.is/

Kvennakórinn Vox feminae heldur tónleika í risi og á göngum Þjóðmenningarhússins miðvikudaginn 21. og fimmtudaginn 22. mars kl. 20:00 en hljómburður þar þykir einstakur fyrir acapella söng. Miðaverð er kr. 2000. Miðar eru seldir hjá kórfélögum og í síma 863 4404.Hljómdiskurinn Mamma geymir gullin þín hefur verið endurútgefinn
Í tilefni tónleikanna hefur diskurinn "Mamma geymir gullin þín" verið gefinn út aftur. Efnisskráin í Þjómenningarhúsinu er helguð sögu lands og þjóðar en þó sérstaklega tileinkuð formæðrum okkar. Hér gefst unnendum íslenskrar tónlistar tækifæri til að njóta hennar í frábærum og frumlegum flutningi fimmtíu kvenna. Miðaverð er kr. 2000. Miðar eru seldir hjá kórfélögum og í síma 863 4404.
Kvennakórinn Vox feminae heldur tónleika í risi og á göngum Þjóðmenningarhússins miðvikudaginn 21. og fimmtudaginn 22. mars kl. 20:00 en hljómburður þar þykir einstakur fyrir acapella söng. Miðaverð er kr. 2000. Miðar eru seldir hjá kórfélögum og í síma 863 4404.Fréttatilkynning frá Kvennakórnum Vox feminae
Kvennakórinn Vox feminae heldur tónleika í risi og á göngum Þjóðmenningarhússins miðvikudaginn 21. og fimmtudaginn 22. mars kl. 20:00 en hljómburður þar þykir einstakur fyrir acapella söng. Yfirskrift tónleikanna er -framan eftir göngum-. Í dagskránni fléttast saman fallegar perlur íslenskra söng- og þjóðlaga og hafa mörg verkanna fylgt kórnum frá því hann var stofnaður. Stjórnandi og stofnandi Vox feminae er Margrét J. Pálmadóttir og hefur kórinn komið fram við margvísleg tækifæri bæði innanlands sem utan.

Nýjast kórinn í Gígjunni landssambandi íslenskra kvennakóra er Kvennakórinn Heklurnar í Mosfellsbæ. Þær sóttu um aðild að Gígjunni 28. febrúar 2007 og á síðasta aðalfundi 10. mars voru þær boðnar formlega velkomnar í Gígjuna. Á fundinum var Kristín Pálsdóttir með greinargóða kynningu á starfsemi kórsins. Heklur hjartanlega velkomar í Gígjuna.Kór sem skemmtir sér og bloggar !
Skemmtanir sem eru fastir liðir er Heklureiðin sem er farin frá hesthúsahverfinu í Mosfellsbæ, yfirleitt um miðjan maí, heim til einnar kórkonunnar, Báru Guðjónsdóttur upp á Kjalarnes, þar sem við þiggjum veitingar og ríðum svo til baka. Í ágúst förum við í boði Rannveigar Gísladóttur, sem er alt eins og Bára, í siglingu um sundin blá á skútunni hennar Rannveigar. Áætlað var að fara í utanlandsferð í ár en ekki fékkst næg þátttaka enda þurfa konurnar að borga slíka ferð sjálfar, tekst þó vonandi á næsta ári. Heklunar – kvennakór halda úti bloggsíðu þar sem upplýsingar um kórstarfið og fleira eru aðgengilegar. Þar er líka reynt að safna tenglum á ýmislegt er varðar kórstarf, tónfræði og tónlist. http://blog.central.is/heklurnar Að lokum er gaman að nefna að Heklurnar hafa látið útsetja tvö ný íslensk lög fyrir sig. Lögin og textarnir eru bæði eftir Ólínu Gunnlaugsdóttur söngvaskáld á Hellnum á Snæfellsnesi og heita „Una“ og „Sumarást“ en Valentina Kay útsetti lögin. ___________________________ Nánari upplýsingar um Heklurnar er að finna hér á vefsetrinu undir linknum Aðildarkórar.
Nýjast kórinn í Gígjunni landssambandi íslenskra kvennakóra er Kvennakórinn Heklurnar í Mosfellsbæ. Þær sóttu um aðild að Gígjunni 28. febrúar 2007 og á síðasta aðalfundi 10. mars voru þær boðnar formlega velkomnar í Gígjuna. Á fundinum var Kristín Pálsdóttir með greinargóða kynningu á starfsemi kórsins. Heklur hjartanlega velkomar í Gígjuna.Kórinn sem bakar ekki !
Markmið starfseminnar eru að halda úti kórstarfi þar sem aðaláherslan er á að syngja saman og allur félagslegur þrýstingur vegna annarrar starfsemi því óheimill. Í lögum kórsins stendur meðal annars: „Fjáröflunarstarfsemi sem felst í sölu á t.d. rækjum, salernispappír og berjatínum er andstæð tilgangi félagsins sem og kökusala á bösurum eða hliðstæðum viðburðum.“ Af sjálfu sér leiðir að fjárhagur kórsins er naumari en þeirra kóra sem stunda fjáraflanir. Því er þess gætt að fjármunir séu eingöngu notaðir í það allra nauðsynlegasta sem tengist söngnum beint eins og undirleik, raddþjálfun og kórbúðir svo að hægt sé að halda kórgjöldum í lágmarki. Nú, í mars 2007, eru um 20 konur virkar í kórnum, flestar úr Mosfellsbæ en líka úr Árbæ, Grafarvogi og víðar að. Æfingar eru á þriðjudagskvöldum kl. 20.00 í sal Varmárskóla. Til að æfingarnar nýtist betur höfum við reynt að senda sem mest af lögunum sem við erum að syngja á tölvutæku formi til hlustunar á kórinn, hverja rödd fyrir sig. Forritið Noteworthy (http://www.noteworthysoftware.com/composer/evaluate.htm) er notað til að slá lögin inn en þau eru líka send sem .mid (MediaPlayer) skjöl og er hægt að hlusta á þau í flestum hlustunarforritum. Kórinn fer í æfingarbúðir einu sinni á ári, yfirleitt í mars. Kórinn heldur vortónleika og æfir jólaprógramm sem flutt er fyrir eldri borgara, inni á spítölum, niðri á Skólavörðustíg og víðar. Árin 2004 og 2005 héldum við metnaðarfulla jólatónleika með fleiri flytjendum fyrst í Háteigskirkju og síðan í Langholtskirkju. Í október 2006 tókum við þátt í tónleikum með öllum kórum í Mosfellsbæ og Sinfóníuhljómsveit Íslands í tilefni af 40 ára afmæli Tónlistarskóla Mosfellsbæjar.
Nýjast kórinn í Gígjunni landssambandi íslenskra kvennakóra er Kvennakórinn Heklurnar í Mosfellsbæ. Þær sóttu um aðild að Gígjunni 28. febrúar 2007 og á síðasta aðalfundi 10. mars voru þær boðnar formlega velkomnar í Gígjuna. Á fundinum var Kristín Pálsdóttir með greinargóða kynningu á starfsemi kórsins. Heklur hjartanlega velkomar í Gígjuna.Kvennakórinn Heklurnar
Kvennakórinn Heklurnar var stofnaður í janúar árið 2003. Kórinn var stofnaður af nokkrum konum, nánar tiltekið sex, sem höfðu áhuga á söng en treystu sér ekki til að taka þátt í venjulegu kórstarfi þar sem oft er mikil áhersla á félagsstarf og fjáraflanir. Stofnendur kórsins höfðu frá árinu 1999 hittst í hádeginu á föstudögum í söngtímum í Ými hjá Björku Jónsdóttur. Vegna breytinga á persónulegum högum og einnig vegna skorts á áþreifanlegum árangri söngstarfsins lagðist söngiðkunin af vorið 2002. Um áramót var söngþörfin orðin það mikil að ákveðið var að athuga með undirtektir við stofnun kvennakórs í Mosfellsbæ, þar sem við búum flestar. Björk var til í að stjórna okkur og á fyrstu æfingu mættu um 15 konur. Kristín I. Pálsdóttir skipaði sjálfa sig formann kórsins og var það fram á vor 2005 þegar núverandi formaður Erla Þorbjörnsdóttir tók við.