Landssamband íslenskra Kvennakóra

Gígjan hefur samið við ferðaskrifstofuna Úrval – Útsýn um að skipuleggja ferð íslensku kóranna á norræna kvennakóramótið í Västerås Svíþjóð.Úrval útsýn getur komið ykkur á staðinn
Verð fyrir flug og gistingu í Västerås tímabilið 22. til 25. september er kr. 49.800 á mann m/v gistingu í tvíbýli með morgunverði og rútu frá flugvelli til og frá mótsstað. Þeir kórar sem hug hafa á því að fara á mótið eru beðnir um að hafa samband sem allra fyrst við Jón Karl í síma 585 4112 / 696 6616, netfang; jonkarl@uu.is. Jón Karl mun einnig skipuleggja framlengingu á ferðinni, tónleikahald og kynnisferðir ef áhugi er fyrir því.

Stjórn Gígjunnar hefur hug á því að efna til samstarfs við Skálholtsútgáfuna um útgáfu á sérstakri söngbók með verkum sem hafa verið skrifuð fyrir kvennakóra. Stjórnin biður um ábendingar um efni frá ykkur. Vinsamlegast hafið samband við Sigurbjörgu Aðalsteinsdóttur, netfang; sigurada@hi.is.

Gígjunni hefur borist bréf frá undirbúningsnefnd Kvennakórs Hafnafjarðar.Tilkynning frá Kvennakór Hafnarfjarðar
Kæru söngsystur Við í landsmótsnefnd Kvennakórs Hafnarfjarðar viljum fyrir hönd kórsins óska Gígjunni til hamingju með glæsilega heimasíðu. Þá eru það landsmótsfréttir. Eins og ykkur er kunnugt um er búið er að senda kórunum upplýsingar um hópaskiptingu og sameiginleg lög ásamt skráningarblaði. Þetta er metnaðarfull og skemmtileg dagskrá og hvetjum við alla kvennakóra til að vera með og skrá sig fyrir fimmtudaginn 3. mars 2005. Strax að lokinni skráningu verður endanlega raðað í vinnuhópa og nótur sendar út eins fljótt og mögulegt er. Nú þegar er vitað að þátttaka verður mikil og ánægjulegt að vita hve margir kórar af landsbyggðinni hafa sýnt þessu móti mikinn áhuga. Ekki er búið að reikna út endanlegan kostnað við mótið en reynt verður að stilla honum í hóf, án þess að rýra gæði mótsins. Við og aðrir Hafnfirðingar sem að þessu móti standa hlökkum til að taka á móti ykkur öllum og vera með ykkur í söng og gleði. Bestu kveðjur f.h. undirbúningsnefndar, Sigrún Óskarsdóttir.

Stjórn Gígjunnar hefur nú skipulagt fyrsta málþing sambandsins það verður haldið föstudaginn 4. mars í Sönghúsinu Domus Vox, Skúlagötu 30, 101 Reykjavík milli kl. 16:00 og 19:00. Málþinginu er ætlað að verða frjór og fjörugur vettvangur fyrir kórstjóra og stjórnir íslenskra kvennakóra. Stjórn Gígjunnar hvetjur alla aðildarkóra til þess að senda fulltrúa á málþingið. Vinsamlegast tilkynnið þátttöku til Sigurbjargar Aðalsteinsdóttur, netfang sigurada@hi.is eða sími 896 4026.
Dagskrá: 1. Setning málþings og fréttir af starfsemi Gígjunnar Sigurbjörg Aðalsteinsdóttir, formaður Gígjunnar. 2. Stúlknakór Reykjavíkur syngur undir stjórn Margrétar J. Pálmadóttur. 3. Vefsetur Gígjunnar formlega opnað Þorgerður Katrín Gunnarsdóttir, menntamálaráðherra. 4. Kynning á vefsetri Gígjunnar Heiða Gunnarsdóttir, vefstjóri Gígjunnar. 5. Kvennakórar fyrr og nú Margrét Bóasdóttir, söngkona. 6. Í kór alla ævi Margrét J. Pálmadóttir, kórstjóri. 7. Kerlingarnar hans Jakobs. Kvennakórinn Gígjan á Akureyri og stjórnandi hans, Jakob Tryggvason Soffía Jakobsdóttir, leikkona. 8. Norrænt samstarf kvennakóra Sigrún Þorgeirsdóttir, kórstjóri. 9. Alþjóðlegt söngstarf. Nýir möguleikar Ásdís Helga Bjarnadóttir í stjórn Gígjunnar. 10. Umræður. 11. Léttar veitingar.